#نشرة الاسئلة
#نشرة الاسئلة
في حاجة بتحصل في شغلنا،
ومحدش بيتكلم عنها !
في حاجة بتحصل في شغلنا،
ومحدش بيتكلم عنها !
في حاجة بتحصل في شغلنا،
ومحدش بيتكلم عنها !
من فترة وانا بقرا وبدور في الموضوع ده كتير... تأثير الـ AI علينا احنا كمصممين وعلى السوق، وكل ما اتعمق فيه اكتر اكتشف ان الصورة مش بالبساطة الي الناس بتتكلم بيها.
لا اللي بيقولوا "خلاص المصمم انتهى"،
ولا اللي بيقولوا "متخافوش مفيش حاجة اتغيرت"... الاتنين بيبصّوا لنص الصورة وبيسكتوا.
خليني احكيلكم اللي لقيته، وخلوها مساحة نقاش وحابب منها اسمع رأيكم...
فيه دراسة من Boston University حللت اكتر من مليون ونص وظيفة، طلعت ان عروض شغل الجرافيك نزلت حوالي ١٧٪ بعد ما نزلت ادوات زي Midjourney و DALL·E، والـ 3D نزل ١٥٪ تقريباً. ده رقم حقيقي ومخيف، ولو حد حاول يطمّنك ويقولك متخافش هو بيهرب من الحقيقة.
بس ده نص القصة بس...
وفي المقابل تقارير أحدث بتقول إن ٩٠٪ من الشركات لسه بتشغّل مصممين... و٤٧٪ منهم زوّدوا ميزانية التصميم بتاعتهم واللي قلّل صرفه كان ١٢٪ بس. يعني الطلب على التصميم مانزلش، اللي اتغير هو نوع الشغل المطلوب نفسه.
والحتة دي بالظبط هي الي خلتني افهم جزئية مهمة... الـ AI مشالش المصمم، شال الشغل الروتيني الي كنا بنعمله — قص الصور، شيل الخلفية، logo بسيط، الحاجات الي بتاخد وقت من غير ما تاخد تفكير.
لو بصّيت بعمق هتلاقيه بياكل بس من المصمم الي شغله "قالب جاهز" — المصمم الي شغله فكر وهوية ومعنى، المواقع دي معندهاش حتى لغة تكلّمه بيها.
وفيه حتة تانية محدش بياخد باله منها... مع ان السرعة بقت ١٠ أضعاف، العميل مبقاش متوقّع جودة أقل، بالعكس بقا متوقّع أعلى .. زمان كان مقدّر ان التصميم بياخد وقت، دلوقتي عارف انه بقا أسرع، فبقا بيطلب أكتر ويستنى أحسن يعني السرعة الي المفروض تريحنا احنا، رفعت سقف التوقعات علينا.
وهنا بيتقسم الناس لنوعين، ومفيش نوع تالت: مصمم شغله كله تنفيذ بدون فكرة وشغال كوبي بيست، وده فعلاً اللي مهدد ومصمم بيقعد يفكر، يدي العميل حاجة ليها معنى وبصمة، يبني هوية مش يركّب شكل... وده قيمته بتزيد مش بتقل. حتى تقرير Upwork قالها بصراحة كده:
"الـ AI هيستبدل المصمم المتوسط بس". مش المصمم، المتوسط. الكلمة دي محتاجين نوقف عندها شوية.
وعشان كده كل التقارير بقت بتقول نفس الحاجة لما تيجي تنصح:
اللي هيفضل مطلوب هو المصمم اللي بيشتغل على الحتة الي الـ AI مبيعرفش يعملها ولو عملها هيبقى صعب عليه على الأقل انه يجمعها دلوقتي بنفسة الا لما احنا نبدأ ندربه عليها
زي الاستراتيجية، فهم العميل وهو بيتكلم، الحكاية البصرية، الحِس اللي بيخلّيك تختار من ١٠٠ اختيار الاختيار الصح و دي مش مهارات بتتعلمها في كورس أدوات، دي بتتبني مع الوقت والتجربة.
فانا بصراحة مبقتش شايف السؤال هل الـ AI هياخد شغلي؟... السؤال الحقيقي بقا انا مصمم من اي نوع؟.
وحاسس ان اللي بيخاف من الـ AI دلوقتي زي اللي كان بيخاف من الكاميرا تاخد شغل الرسامين... الرسام الي بيرسم بالنسخ بالظبط مات فعلاً، اما الفنان فضل، بل وبقا أغلى لما الصورة الفوتوغرافية بقت متاحة للكل.
طب وانتوا ايه رأيكم ووجهة نظركم... تفتكروا الـ AI عدو فعلاً او على الأقل هيستبدلنا، ولا اداة في ايد المصمم الكويس بتكبّره؟ وعملياً انتوا بتستخدموه ازاي في شغلكم؟
من فترة وانا بقرا وبدور في الموضوع ده كتير... تأثير الـ AI علينا احنا كمصممين وعلى السوق، وكل ما اتعمق فيه اكتر اكتشف ان الصورة مش بالبساطة الي الناس بتتكلم بيها.
لا اللي بيقولوا "خلاص المصمم انتهى"،
ولا اللي بيقولوا "متخافوش مفيش حاجة اتغيرت"... الاتنين بيبصّوا لنص الصورة وبيسكتوا.
خليني احكيلكم اللي لقيته، وخلوها مساحة نقاش وحابب منها اسمع رأيكم...
فيه دراسة من Boston University حللت اكتر من مليون ونص وظيفة، طلعت ان عروض شغل الجرافيك نزلت حوالي ١٧٪ بعد ما نزلت ادوات زي Midjourney و DALL·E، والـ 3D نزل ١٥٪ تقريباً. ده رقم حقيقي ومخيف، ولو حد حاول يطمّنك ويقولك متخافش هو بيهرب من الحقيقة.
بس ده نص القصة بس...
وفي المقابل تقارير أحدث بتقول إن ٩٠٪ من الشركات لسه بتشغّل مصممين... و٤٧٪ منهم زوّدوا ميزانية التصميم بتاعتهم واللي قلّل صرفه كان ١٢٪ بس. يعني الطلب على التصميم مانزلش، اللي اتغير هو نوع الشغل المطلوب نفسه.
والحتة دي بالظبط هي الي خلتني افهم جزئية مهمة... الـ AI مشالش المصمم، شال الشغل الروتيني الي كنا بنعمله — قص الصور، شيل الخلفية، logo بسيط، الحاجات الي بتاخد وقت من غير ما تاخد تفكير.
لو بصّيت بعمق هتلاقيه بياكل بس من المصمم الي شغله "قالب جاهز" — المصمم الي شغله فكر وهوية ومعنى، المواقع دي معندهاش حتى لغة تكلّمه بيها.
وفيه حتة تانية محدش بياخد باله منها... مع ان السرعة بقت ١٠ أضعاف، العميل مبقاش متوقّع جودة أقل، بالعكس بقا متوقّع أعلى .. زمان كان مقدّر ان التصميم بياخد وقت، دلوقتي عارف انه بقا أسرع، فبقا بيطلب أكتر ويستنى أحسن يعني السرعة الي المفروض تريحنا احنا، رفعت سقف التوقعات علينا.
وهنا بيتقسم الناس لنوعين، ومفيش نوع تالت: مصمم شغله كله تنفيذ بدون فكرة وشغال كوبي بيست، وده فعلاً اللي مهدد ومصمم بيقعد يفكر، يدي العميل حاجة ليها معنى وبصمة، يبني هوية مش يركّب شكل... وده قيمته بتزيد مش بتقل. حتى تقرير Upwork قالها بصراحة كده:
"الـ AI هيستبدل المصمم المتوسط بس". مش المصمم، المتوسط. الكلمة دي محتاجين نوقف عندها شوية.
وعشان كده كل التقارير بقت بتقول نفس الحاجة لما تيجي تنصح:
اللي هيفضل مطلوب هو المصمم اللي بيشتغل على الحتة الي الـ AI مبيعرفش يعملها ولو عملها هيبقى صعب عليه على الأقل انه يجمعها دلوقتي بنفسة الا لما احنا نبدأ ندربه عليها
زي الاستراتيجية، فهم العميل وهو بيتكلم، الحكاية البصرية، الحِس اللي بيخلّيك تختار من ١٠٠ اختيار الاختيار الصح و دي مش مهارات بتتعلمها في كورس أدوات، دي بتتبني مع الوقت والتجربة.
فانا بصراحة مبقتش شايف السؤال هل الـ AI هياخد شغلي؟... السؤال الحقيقي بقا انا مصمم من اي نوع؟.
وحاسس ان اللي بيخاف من الـ AI دلوقتي زي اللي كان بيخاف من الكاميرا تاخد شغل الرسامين... الرسام الي بيرسم بالنسخ بالظبط مات فعلاً، اما الفنان فضل، بل وبقا أغلى لما الصورة الفوتوغرافية بقت متاحة للكل.
طب وانتوا ايه رأيكم ووجهة نظركم... تفتكروا الـ AI عدو فعلاً او على الأقل هيستبدلنا، ولا اداة في ايد المصمم الكويس بتكبّره؟ وعملياً انتوا بتستخدموه ازاي في شغلكم؟